Latest khuwab Sms and khuwab Shayari

Urdu Khuwab Sms

This is the best collection Urdu Khuwab Poetry, Hindi Khuwab Shayari and latest Khuwab Sms in Urdu. We have selected all sms & shayari collection related to keyword "Khuwab" online here. You can read Khuwab hindi sms, Khuwab poetry online and best Khuwab poetry in urdu

(1) Oski Aankhon mein aik sa




Oski Aankhon mein aik saaya hai

Chot kha kar jo muskuraya hai



Yaad ban kar jo rach gaya khon mein

Osko sach much bohat bhulaya hai



Log kyun Aa gaye mitanay ko?

Hum ney kab shehr-e-dil basaya hai



Soch lo neend rooth jaye gi

khuwab Aankhon mein kyun sajaya hai



Hum ney di hain dua'ein os os ko

Dil ko jis jis ney bhi dukhaya hai



Janay wala tou khair kya Aata !

Haan magar dard laut aaya hai



Os ney har baar he faraib diya

Baarha hum ney Aazmaya hai.

 










(2) main aisi mohabbat karta ho


main aisi mohabbat karta hoon

tum kaisi mohabbat karti ho

tum jahan peh bayth k jati ho

main waheen pe betha rehta hoon

us cheez ko choota rehta hoon

main aisi mohabbt karta hoon







tum jis se huns k milti ho

main us ko dost banata hoon

tum jis rustay par chalti ho

main us say aata jata hoon

main aisi mohabbat karta hoon

tum kaisi mohabbat karti ho



tum jin ko daykhti rehti ho

wo khuwab....sarhanay rakhta hoon

tum say milnay julnay k

kitnay hi bahanay rakhta hoon

main aisi mohabbat karta hoon

tum kaisi mohabbat karti ho



tum jahan bhi bayth k jati ho

jis cheez ko hath lagati ho

main waheen peh baytha rehta hoon

us jaga ko choota rehta hoon

main aisi mohabbat karta hoon

tum kaisi mohabbat karti ho







kuch khuwab saja kar aankhoon main

palkon say moti chunta hoon

koi lums agar choo jaa a to

main pehroon us ko sochta hoon

main...aisi mohabbat karta hoon

tum kaisi mohabbat karti ho



jin logon main tum rehti ho

tum jin say batain karti ho

tum jin say huns k milti ho

jo tum ko achay lagtay hoon

wohi mujh ko achy lagtay hain

main aisi mohabbat karta hoon

tum kaisi mohabbat karti ho





jis bagh main subh ko jati ho

jis sabzay par tum chalti ho

jo shakh tumhain choo jati hay

jo khushboo...tum ko bhati hay

wo os tumharay chehray par

jo qatra qatra girti hai

wo titli chor k phoolon ko

jo tum say milnay aati hai

jo tum ko choonay aati hay

un sab k nazuk jazbon main

meray dil ki dharkan basti hai

miri rooh bhi shamil rehti hai

tum paas raho ya door raho

nazron main samai rehti ho

main tum ko takta rehta hoon

main tum ko sochta rehta hoon

main aisi mohabbat karta hoon

tum kaisi mohabbat karti ho



jis college main tum parhti ho

jis class main bhi tum jati ho

jis kursi peh tum baythti ho

jab class wo khali hoti hai

main ja k us main baythta hoon

us kursi ko main choota hoon

gadla sa ik tissue paper

jo tum nay class main choora tha

main pyar say us ko choota hoon

main us ko...purse main rakhta hoon

wo copy jis main lecture k tum

points likhti rehti ho

her moqay par her manzar main

main sath tumharay rehta hoon

main chashm-e-tasavvur main aksar

bus tum ko dekhta rehta hoon

bus tum ko sochta rehta hoon

main aisi mohabbat karta hoon

tum kaisi mohabbat karti ho










(3) Sawal Kuch Bhi Ho Ja


Sawal

Kuch Bhi Ho



Jawab

Tum Hi Ho



Arman

Kitna Hi Ho



Aarzoo

Tum Hi Ho



Ghussa

Jitna Bhi Ho



Pyar

Tum Hi Ho



khuwab

Koi Bhi Ho

Tabeer Tum Hi Ho



.



.



Yani K Saray Fasaad Ki Jarr

Tum Hi Ho.



(‘-‘)



_//_



Main To Masoom Hon?...










(4) Ye jo zeest ka safar haiye jo

Ye jo zeest ka safar hai
ye jo raasta hai mera
tum agar na sath do gay tou
ye kis tarhan katey ga..?

meri soch ki hadon tak
ye guumaan bhi kaise aaye
koi pal bina tumharey
bhala kaise beet jaye

mere paas tum nahi ho
mere paas kuch nahi hai
meri yaad k nagar mein
mere khuwab k safar mein

meri souch ki tehon mein
BUS aarzoo TUMHARI....
is aarzoo se agay koi raasta nahi hai
tumhe kis qadar hai chaha..
tumhe ye pata nahi hai........!!!







(5) Aana meri qabar par do phool c

Aana meri qabar par do phool charha jana ..
Rona na aaye muskura ke chale jana ..
Meri qabar par ek baar zrur aana ..
Magar shart hai aansoo na bahana ..
Taklif ho gi rooh ko bhi jo aansoo jo apke nikaleinge.
Rooh roye gi meri rooh ko na tarpaya KaRNa ..
Tere khuwabn mein aya karunga zrur ..
Kabhi yaad karke meri muhabbat ko azmaya KaRNa ..
Meri qabar pe phool na charhana aansoovon ke ..
Bas aakar qabar pe apni muhabbat ka saya KaRNa ..
Meri dua hai tera tera ghar khushboo se bhara rahe ..
Tum khushi ki har mehfil mein jaya KaRNa ..
Meri yaad mein na khona kabhi udaas hokar ..
Apne humsafar ki aghosh mein.majid







(6) =*GAZAL*= (BHOOL JA)Yehi Zi

=*GAZAL*=
(BHOOL JA)


Yehi Zindagi ka ussol hai,

jo bichar gaya ussy Bhool ja,

jo mila hai Dil se laga k rakh,

jo nahi mila ussy Bhool ja,

na wo Dhoop tha na wo Chandni,

na Chirag tha
na wo Roshni,

wo Khayal tha koi khuwab tha,

wo tha Aaina ussy Bhool ja,

wo jo tery Dil k Qareeb tha,

wo na jany kiska NASEEB tha,

tujhe Hans k usny Bhula dia,

tu bhi Muskura kar ussy
*=BHOOL JA=*







(7) Adhoray khuwabon k khasta kagh

Adhoray khuwabon k khasta kaghaz sambhal rakhna hisab hoga,
Wafa k rishtay jafa ki rut mein bahal rakhna hisab hoga

Sunehray jazbon ki qadar KaRNa rafaqaton mein waqar rakhna,
Andher nagri mein dil jala k khayal rakhna hisab hoga

Muhabaton k safeer ban kar jo chahaton k naqeeb ban'na,
Rah-e-wafa mein na tum kisi se malal rakhna hisab hoga

Zamanay bhar ki ye talkhiyan kion ye jaber kesa ye sabar kion,
Mere liye bus tum apne lub pe sawal rakhna hisab hoga.







(8) Socha hota khuwab dikhaney sey

Socha hota khuwab dikhaney sey pehle
aur kisi ko apna bananey sey pehle

Kuch pal osko neend mein ghour sey dekho tou
dheerey dheerey osko jaganey sey pehle

Soch lo, is mein koi keemti shai he na ho
dil ke shehr ko Aag dikhaney sey pehle

Dekha, tou sab tan mann raakh ka dhair huwa
apne dono hath bachaney sey pehle

Ab pachtaney sey bhi hasil kya ho ga?
socha hota ankh milaney sey pehle

Socha, RAB sey osko maang ke dekhon tou
sar sajdey sey Aaj uthaney sey pehle

Aao akhri baar karein hum yaad osey
sach much osko Aaj bhulaney sey pehle.







(9) Jo khuwab haweli ka huwa, phir

Jo khuwab haweli ka huwa, phir nahin aya
woh qaid huwa ya ke riha, phir nahin aya

Is soch nagar mein jo utar ata tha aksar
tha chand, sitara ke diya, phir nahin aya

Hum dono ney mil kar jo jiya, sadiyon sa lamha
janey kya laga osko bura, phir nahin aya

Woh shaks pukaro tou chala ata tha aksar
kis shehr ki janib woh gaya, phir nahin aya

Ik lamha jo gum ho gaya dono sey achanak
dono ney bohat yaad kia, phir nahin aya...







(10) Wasl ka khuwab dikhaye ga tehr

Wasl ka khuwab dikhaye ga tehr jaye ga
mousam-e-hijar jab aye ga, tehr jaye ga

Baton baton mein koi naam achanak Aa kar
dil mein halchal si machaye ga, tehr jaye ga

Shehr-e-anjan ko jana hai agar, yaad rahe
jo bhi os simt ko jaye ga , tehr jaye ga

Ishq ik dard ki doulat ke siwa kuch bhi nahin
dil jab is dard ko paye ga, tehr jaye ga

Hum ney jab chaand ko dekha tha tou socha tha aarfeen
kachay Aangan ko sajaye ga, tehr jaye ga.







Go To Page >> [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42] [43] [44] [45] [46] [47] [48] [49] [50] [51] [52] [53] [54] [55] [56] [57] [58] [59] [60] [61] [62] [63] [64] [65] [66] [67]

Read new/updated khuwab sms. No doubt, its biggest collection of khuwab mobile messages on internet. You can subscribe khuwab sms and get newly added khuwab text messages to your email as well. Keep visiting this page as latest urdu khuwab sms will be coming soon. There are many Urdu khuwab SMS lovers who are eager to share Urdu khuwab SMS with you;)

Post to Forum :

Post to Website :

urdu khuwab sms