(1) Baat kar tujh pe gumaaN hone l

Baat Kar Tujh Pe GumaaN Hone Lagaa Tasveer Kaa
muntazir Kab Se Hai Zamaana Teri Taqreer Kaa

raat Kyaa Soye Ki Baaqi Um'r Ki Neend URh Gai
Khwaab Kya Dekha Ki DhaRhka Lag Gaya T'abeer Kaa

kaise Paayaa Tha Tujhe Kis Tarah Khoya Tujhe
mujh Saa Munkir Bhi To Qaayal Ho Gaya Taqdeer Kaa

jaane Kis Aalam MeN TuN BichhRaa Hai Ki Tere BaGair
aaj Tak Har Naqsh Fariyaadi Hai Meri Tehrir Kaa

jis Ko Bhi Chaahaa BaRhi Shiddat Se Chaahaa Hai Saif
silsilaa TuuTaa NaheeN Hai Dard Ki Zanjir Kaa

(8) Aankhien jab khuli to manzr aj

Aankhien Jab Khuli To Manzr Ajeeb Tha
dard Tha Par Wo Dil Ke Qareeb Tha..

jise Dhundte The Haatoan Ki Lakeeroan Me
pata Chala Wo Kisi Aur Ka Naseeb Tha...

(4) Socha hota khuwab dikhaney sey

Socha Hota Khuwab Dikhaney Sey Pehle
aur Kisi Ko Apna Bananey Sey Pehle

Kuch Pal Osko Neend Mein Ghour Sey Dekho Tou
dheerey Dheerey Osko Jaganey Sey Pehle

Soch Lo, Is Mein Koi Keemti Shai He Na Ho
dil Ke Shehr Ko Aag Dikhaney Sey Pehle

Dekha, Tou Sab Tan Mann Raakh Ka Dhair Huwa
apne Dono Hath Bachaney Sey Pehle

Ab Pachtaney Sey Bhi Hasil Kya Ho Ga?
socha Hota Ankh Milaney Sey Pehle

Socha, RAB Sey Osko Maang Ke Dekhon Tou
sar Sajdey Sey Aaj Uthaney Sey Pehle

Aao Akhri Baar Karein Hum yaad Osey
sach Much Osko Aaj Bhulaney Sey Pehle.

(8) Vasl ke roag burey hoty hainhi

Vasl Ke Roag Burey Hoty Hain
hijar Ke Sog Burey Hoty Hain

Haar Mein Dil Ka Hath Hai Kuch Kuch
aur Kuch Log Burey Hoty Hain

Sehraon Mein Kho Jao Gay
Ishq Ke Jog Burey Hoty Hain

Basti Bas Kar Mit Jati Hai
dil Ke Roag Burey Hoty Hain

Sukh Ke Badley Dukh Dety Hain
kuch Sanjog Burey Hoty Hain..!

(7) Khushbu ke hath phol ka paigha

Khushbu Ke Hath Phol Ka Paigham Reh Gaya
ye Dil Ka Silsila Bhi Ser-e-aam Reh Gaya

Kehty Hain Jis Ney Chand Ko Dekha Tha Pehli Baar
woh Shaks Apne Dil Ko Bas Tham Reh Gaya

Aankhon Ko Mond Lena Tha Hum Ko Bhi Os Ghari
jab Oska Ghar Suna Hai Ke Do Gaam Reh Gaya

Ay Shab! Naveed Deni Thi Tujh Ko Sehr Ki Aur
kyun Tere Hath Sey Bhi yehi Kaam Reh Gaya

Jab Vasl Ko Mita Diya Tu Ney Hawa Tou Phir
kyun Rait Par Firaq Ka yeh Naam Reh Gaya

Yunh Zindagi Ka Kaam Adhora Raha Aarfeen
kuch Subah Reh Gaya Tha Tou Kuch Sham Reh Gaya..

(14) Jo khuwab haweli ka huwa, phir

Jo Khuwab Haweli Ka Huwa, Phir Nahin Aya
woh Qaid Huwa ya Ke Riha, Phir Nahin Aya

Is Soch Nagar Mein Jo Utar Ata Tha Aksar
tha Chand, Sitara Ke Diya, Phir Nahin Aya

Hum Dono Ney Mil Kar Jo Jiya, Sadiyon Sa Lamha
janey Kya Laga Osko Bura, Phir Nahin Aya

Woh Shaks Pukaro Tou Chala Ata Tha Aksar
kis Shehr Ki Janib Woh Gaya, Phir Nahin Aya

Ik Lamha Jo Gum Ho Gaya Dono Sey Achanak
dono Ney Bohat yaad Kia, Phir Nahin Aya...

(6) Wasl ka khuwab dikhaye ga tehr

Wasl Ka Khuwab Dikhaye Ga Tehr Jaye Ga
mousam-e-hijar Jab Aye Ga, Tehr Jaye Ga

Baton Baton Mein Koi Naam Achanak Aa Kar
dil Mein Halchal Si Machaye Ga, Tehr Jaye Ga

Shehr-e-anjan Ko Jana Hai Agar, yaad Rahe
jo Bhi Os Simt Ko Jaye Ga , Tehr Jaye Ga

Ishq Ik Dard Ki Doulat Ke Siwa Kuch Bhi Nahin
dil Jab Is Dard Ko Paye Ga, Tehr Jaye Ga

Hum Ney Jab Chaand Ko Dekha Tha Tou Socha Tha Aarfeen
kachay Aangan Ko Sajaye Ga, Tehr Jaye Ga.

(7) Bharkey huwe sholon ko hawaein

Bharkey Huwe Sholon Ko Hawaein Nahin Dety
jaty Huwe Lamhon Ko Sadaaein Nahin Dety

Maana yehi Fitrat Hai Magar Isko Badal Do
badley Mein Wafaon Ke Jafaein Nahin Dety

Gar Phol Nahin Dety Tou Kaante Bhi Mat Do
muskan Na Deni Ho Tou Aahein Bhi Nahin Dety

Tum Ney Jo Kia Acha Kia Haan ye Gilla Hai
manzil Na Ho Jis Ki Tou Woh Raahein Nahin Dety

Yeh Baar Kahin Khud He Uthana Na Pare Kal Ko
auron Ko Bicha
ey Ki Dua'ein Nahin Dety..

(3) Maangey ke chiraghon sey ujala

Maangey Ke Chiraghon Sey Ujala Nahin Karte
palkon Sey Girey Ashk Sambhala Nahin Karte

Ta'khair Huwi Hai Tou Koi Waja Bhi Ho Gi
yunh Dil Mein Wahmon Ko Paala Nahin Karte

Phir Baad Mein Rona Pare Jis Ke Liye, Osko
yunh Khuwab Jharokon Sey Nikala Nahin Karte

Jis Shaks Ke Honton Sey Hansi Cheen Li Tum Ney
kyun Aa Ke Tum Ab Oska Azaala Nahin Karte

Phir Oske Janazay Ko Uthana Bhi Pare Ga
yunh Sar-e-bazaar Izzat Uchala Nahin Karte...!!!

(3) Tooty huwe lafzon mein rawani

Tooty Huwe Lafzon Mein Rawani Nahin Milti
lamhon Mein Tou Sadiyon Ki Kahani Nahin Milti

Dil Jal Gaya Ab Is Mein Dhuwan Tak Nahin Uthta
is Raakh Sey Koi Taswwer Purani Nahin Milti

Izhaar Pey Taaly Hain Tou Taaly He Samjho
har Likhi Huwi Baat Zubani Nahin Milti

Jo Maango Muqadar Sey, Hume Woh Nahin Milta
is Dour Mein Raja Ko Bhi Rani Nahin Milti

Baqi Nahin Khaaron Mein Bhi Pehli Si Chubhan Ab
aur Pholon Mein Bhi Pehli Si Jawani Nahin Milti

Socha Tha Kisi Shaam Suhani Ko Milein Gay
aur Shaam Hume Koi Suhani Nahin Milti...